ალავერდის მონასტრის მარანი

2006 წელს, ბადაგონის მხარდაჭერით, მონასტრის ძველი, მე-11 საუკუნის მარანი დიდი სიფრთხილით იქნა აღდგენილი თავდაპირველი სახით. ადგილობრივმა ბერებმა ალავერდში კვლავ აღადგინეს განსაკუთრებული სამონასტრო ღვინის შექმნის ხელოვნება. მათი საყრდენი ქვევრში ღვინის დაყენების მრავალსაუკუნოვან მეთოდი გახლდათ — პროცესი, რომელიც ღრმად არის ფესვგადგმული და წინაპრების წმინდა მემკვიდრეობად განიხილება. ამ მეთოდის ყოველი ეტაპის ზედმიწევნით ზუსტად შესრულება – ყურძნის შერჩევიდან ქვევრის დალუქვამდე, ასახავს ღრმა პატივისცემას ისტორიისა და ქვეყნის მიმართ.

დღეს, ეს სიყვარულით აღორძინებული მარანი არის ადგილი, სადაც ბადაგონის ქვევრის ღვინოები იქმნება, მათ შორის ისეთი ცნობილი ღვინოები, როგორიცაა „ალავერდის ტრადიცია“, „საფერავი“, „ქისი“ და „ხიხვი“. წინაპართა ამ უნიკალური ცოდნის შენარჩუნებისათვის გაწეული ძალისხმევა როგორც შთამაგონებელი, ასევე იმედისმომცემია. ეს ჩვენი გამარჯვებაა! ჩვენ ვხარობთ იმით, რომ ბადაგონმა წვლილი შეიტანა ასეთი მნიშვნელოვანი კულტურული საგანძურის გადარჩენაში, რაც უზრუნველყოფს იმას, რომ მომავალ თაობებს ექნებათ შესაძლებლობა, შეეხონ დროში გამოცდილი ქართული ტრადიციების შედეგად დაბადებულ ღვთიურ სასმელს – ღვინოს.

მონასტრის ისტორიულ მარანში დაყენებული ბადაგონის ქვევრის ღვინოების დაგემოვნება ისტორიასთან პირდაპირ შეხებას ჰგავს. ამ ღვინოების ყოველი ყლუპი საუკუნეების ექოს ატარებს, რომელიც გადაგიყვანთ სამყაროში, სადაც ერთგულება, ოსტატობა და ტრადიცია ერთიანდება და გამოგზაურებთ საქართველოს საინტერესო მოვლენებით მდიდარ წარსულში.