ეს გახლავთ ალავერდის მონასტრის ბერების მიერ დაწურული ქვევრის წითელი მშრალი ღვინო უძველესი ქართული ტრადიციის სრული დაცვით. ღვინო დამზადებულია ალავერდის მონასტრის მიმდებარედ გაშენებულ ვენახში მოყვანილი საფერავის რჩეული ყურძნისგან და მისი დაღვინება ხდება ალავერდის მონასტრის მე-11 საუკუნის ისტორიულ მარანში. ღვინოს ახასიათებს მდიდრული მუქი ლალისფერი შეფერილობა და დახვეწილი, ხავერდოვანი არომატების ბუკეტი. ღვინოში სასიამოვნოდ არის გამოხატული ტანინები და იდეალურად არის დაბალანსებული მჟავიანობა. ახასიათებს გემოს ვრცელი და დაუვიწყარი  დაბოლოება.